Невидена хипокризија на Баросо: Не прифаќаме руско вето

Претседателот на Европската комисија Жозе Мануел Баросо изјави во Вилнус: "Европската унија нема да го прифати руското вето за одржување врски со поранешните советски републики", по повод одбивањето на Украина да потпише договор за соработка со ЕУ заради рускиот притисок

Се би било во ред со оваа изјава доколку заборавиме на фактот дека Европската унија веќе прифаќа вето од Грција за одржување на врски со Македонија. За да биде хипокризијата поголема Баросо додаде:"Не можеме прифатиме можност за некој вид вето од трета земја над билатералните односи на земјите. Тоа се противи на принципите на меѓународното право". Рака на срце ова може да го оправда со фактот што Грција е членка на ЕУ, а не трета земја. Сепак Баросо нема коментар за тоа што оваа членка на ЕУ со своето вето ги прекрши принципите на меѓународното право, за кои тој толку силно се залага.