Македонија во група со Шпанија и Италија за светското првенство во фудбал

Македонија доби атрактивна група за квалификации за светското првенство во 2018-та

Македонската фудбалска репрезентација ќе игра против Шпанија и Италија во квалификациите за светското првенство во фудбал во 2018-та година во Русија. Македонија, која се наоѓаше во 5-тиот барабан на денешната ждрепка во Санкт Петерсбург во Русија, ќе игра во групата заедно со Албанија, Израел и Лихтенштајн. Ждрепката е поволна за нас заради атрактивноста на противниците која ветува голема посетеност на натпреварите, како и финансиска добивка. Македонија бодовите ќе ги бара против Лихтенштајн и Албанија, која иако е повисоко рангирана од нас и во далеку подобра форма, сепак е противник кој може да биде победен.

Најизедначена група е групата А во која се наоѓаат Холандија, Франција и Шведска. Србија доби релативно лесна група со Велс и Австрија, додека Хрватска е носител во групата со Исланд, Украина и Турција.

Првите натпревари ќе се играат од 4-ти до 6-ти Септември 2016-та година.