Апел од Црвен крст за помош за Тетовско. Ова се броевите за донации

Потребни се донации на вода за пиење, средства за хигиена, храна, ќебиња за погодените семејства во Тетовскиот регион од синоќешното невреме

За донации јавете се на контакт телефон: 3096-227 или однесете ја помошта директно во магацините на Црвен крст. Парична помош може да се донира на сметката на Фондот за солидарност: 300000001327966, ДБ: 4030984271620 – Комерцијална Банка, како и со донирање на 100 денари со повик на телефонските броеви: (075 или 070 или 077) 143-400.

Досега ова попладне Црвениот крст дистрибуир помош, 100 пакети храна, 200 средства за хигиена, 150 сетови за дезинфекција, 400 ќебиња, 30 душеци, 10 вреќи за спиење и 1.260 литри флаширана вода за пиење.

Во синоќешното невреме во Тетовскиот регион загинаа четири лица, а едно лице се води за исчезнато. Има и 11 повредени лица, а предизвикана е огромна материјална штета. Во Тетово утре и задутре се прогласени денови на жалост.