Почина Џејмс Гандолфини, ѕвездата од Сопранови

Првичните наоди говорат дека Гандолфини починал од срцев или мозочен удар

Познатиот холивудски актер Џејмс Гандолфини ненадејно почина вчера во Рим, Италија каде што го поминувал неговиот одмор. Првичните наоди говорат дека 51-но годишниот актер починал од срцев или мозочен удар додека бил на пат за Сицилија, кадешто за денес било закажано неговото учество на филмскиот фестивал во Таормина.

Џејмс Гандолфини е познат на нашата публика како главен протагонист во серијата Сопранови. Во текот на неговата кариера добитник е на голем број награди меѓу кои и Златен глобус за најдобра машка улога во драма од 1999-та.